Истомин - Дональдсон. Превью

31 декабрь куни старт олган ATP-250 турнирининг мукофот жамғармаси 468,910 АҚШ доллари ҳисобланади.

Ҳамюртимиз мусобақанинг илк даврасида босниялик Давид Жумхурга қарши кортга чиқиб, 6:7, 6:3, 6:2 ҳисобларида ғалаба қозонганди.

Эртага у мусобақанинг чорак финалига йл олиш учун америкалик Жаред Дональдсонга қарши ўйин ўтказади.

Ушбу тўқнашув олдидан ўйинчиларнинг кўрсаткичларини эътиборингизга тақдим этмоқчимиз.

Бунгача теннисчилар икки маротаба тўқнаш келганлар. Ушбу ўйинларнинг ҳар иккиси ҳам 2017 йилда бўлиб ўтган. Баҳсларда Истоминнинг қўли баланд келган.

Ҳамюртимиз май ойида Мадриддаги турнирнинг саралашида бўлиб ўтган биринчи ўйинда 7:6, 6:4 ҳисобларида, сентябрь ойида эса Чэндуда 2:6, 7:5, 7:6 ҳисобларида ғалаба қозонганди.

Ўзаро ўйинлар:

2017 йил: Истомин - Дональдсон 7:6, 6:4 (Мадрид)

2017 йил: Истомин Дональдсон 2:6, 7:5, 7:6 (Чэнду)


Истомин илк даврада Жумхурни 6:7, 6:3, 6:2 ҳисобларида мағлуб этгани ҳақида айтиб ўтдик. Дональдсон эса мезбон теннисчи Жордан Томпсондан 6:2, 6:4 ҳисобларида устун келган.



Бугунги кунда Истомин дунё рейтингида 63, Дональдсон эса 54-ўринни эгаллаб турибди. Баҳсда ғолиб бўлган теннисчи чорак финалда Харрисон/Ханфман тўқнашуви ғолибига қарши кортга чиқиши мумкин бўлади.

Маълумот учун, Брисбендаги турнирнинг биринчи босқичида ғалаба қозонган теннисчи 20 рейтинг очкоси ва 8 010 АҚШ долларини қўлга киритади. Иккинчи давра ғолиби эса 45 очко ва 13 595 АҚШ долларини ўзига нақд қилиб олади.



Денис сўнгги расмий 10та ўйинидан 6тасида ғалаба қозонган. Дональдсон эса 10та ўйинидан 2тасидагина ғолиб бўла олган.

Ўйин эртага Тошкент вақти билан соат 07:30дан сўнг бошланади.

Азиз Тўхтамуродов тайёрлади