24 июл 20:10
Янгиликлар

Теннис

Истомин Гштааддаги турнирнинг илк даврасида кортга чиқди

Мамлакатимизнинг биринчи ракеткаси Денис Истомин Швейцариянинг Гштаад шаҳри мезбонлик қилаётган нуфузли турнирдаги иштирокини бошлади.

Ҳамюртимиз Swiss Open Gstaad турнирининг яккалик баҳси илк даврасида италиялик Лоренцо Жустинога қарши кортга чиқди. Учрашувда Истомин рақибини ортиқча қийинчиликсиз 6:3, 6:2 ҳисобида мағлуб этди.

Мусобақанинг соврин жамғармаси 540,310 еврони ташкил қилади. Турнир ғолиби 85,945 евро мукофот пули ҳамда 250 рейтинг очкосига эга бўлади. Биринчи босқичда қатнашган ҳар бир теннисчи ўз ҳамёнини 4,875 еврога бойитиб олади.