21 фев 11:40
Янгиликлар

Теннис

Истомин иштирок этган турнирда чемпион аниқланди

АҚШнинг Делрэй-Бич шаҳрида теннис бўйича нуфузли ATP турнири якунланди.

Бош соврин британиялик Кэмерон Норрига насиб этди. Дунёнинг 13-ракеткаси бўлиб турган Норри ҳал қилувчи финал учрашувида ATP рейтингининг 20-поғонасидан жой олиб турган америкалик Рейлли Опелкага қарши кортга чиқди.

Бир соату 51 дақиқа давом этган баҳсда Норри рақибини 7/6(1), 7/6(4) ҳисобида таслим этди. 26 ёшли Кэмерон 7 та, 24 яшар Опелка эса 25 та эйс зарбани амалга оширди. Теннисиларнинг ўзаро учрашувларида британиялик 3:1 ҳисобида олдинла боряпти.

Delray Beach Open турниридаги муваффақиятли иштирок Норрига 250 рейтинг очкоси ҳамда 90,330 доллар мукофот пули келтирди.