30 май 16:14
Янгиликлар
Теннис
Истомин “Ролан Гаррос”даги иштирокини бошлади
Франция пойтахти Париж шаҳрида “Катта Дубулға” туркумига кирувчи “Ролан Гаррос” турнирининг асосий тўр баҳслари давом этмоқда.
Йилнинг тўртта нуфузли мусобақасининг бирида ҳамюртимиз Денис Истомин ҳам иштирок этяпти. Мамлакатимизнинг биринчи ракеткаси илк босқичда АҚШ вакили Эрнесто Эскобедога қарши кортга чиқди.
Ҳозиргина якунига етган учрашувда Истомин кучли рақибини 7:6(3), 6:3, 6:4 ҳисобида мағлуб этиб, иккинчи даврага йўл олди. Учрашув 2 соату 2 дақиқа давом этди.
Таққослаш учун, Истомин дунё рейтингида 80, Эскобедо эса 75-ўринни эгаллаб турибди. Истоминнинг иккинчи даврадаги рақиби Сэм Куэрри - Хёнг Чанг учрашувидан сўнг маълум бўлади. Биринчи сетда Чанг 6:4 ҳисобида зафар қучди.
Ҳавола :
Манба : olamsport.com
Фикрлар