15 окт 08:05
Янгиликлар

Теннис

Истомин ва Елгин “Тошкент Челленжери” ғолиблари!

Бугун пойтахтимиздаги Республика олимпия захиралари теннис мактаби кортларида давом этаётган анъанавий “Тошкент Челленжер” мусобақаси ўз якунига етади.

Кеча соврин жамғармаси 125 минг АҚШ долларини ташкил қилувчи ушбу турнирнинг жуфтликлар мусобақасида ғолиблар номи маълум бўлди. Россиялик Михаил Елгин билан жуфтлик хосил қилган Денис Истомин турнир чемпионига айланди.

Улар ҳал қилувчи финал учрашувида германиялик Андре Бегаманн ҳамда ҳиндистонлик машҳур ракетка устаси Леандер Паэс жуфтлигига ҳеч қандай имконият қолдиришмади - 6:4, 6:2.

Паэс “Катта Дубулға” туркумига кирувчи турнирларнинг жуфтликлар мусобақасида 12та титулни қўлга киритгани унинг кучли теннисчи эканлигини кўрсатмоқда. Айнан финал куни Михаил Елгин 35 ёшини қаршилади.

Ҳавола :

Манба : olamsport.com

Рейтинг: