03 авг 21:13
Янгиликлар

Теннис

Истоминнинг эртанги финалдаги рақиби маълум бўлди

Шу кунларда Австриянинг Китцбюэль шаҳрида теннис бўйича нуфузли турнир давом этмоқда.

Хабар берганимиздек, ҳамюртимиз Денис Истомин бир неча дақиқа аввал чилилик Николас Харрини 7:5, 6:7(4), 6:4 ҳисобида мағлуб этиб, финал чиптасини қўлга киритган эди. Ҳозиргина унинг эртанги финалдаги рақиби маълум бўлди.

Иккинчи ярим финал жуфтлигида словакиялик Мартин Клижан испаниялик Хауме Муньярга қарши кортга чиқди. Бир соату 42 дақиқа давом этган учрашувда Клижан рейтингда ўзидан юқорида турган рақибини 7:6(3), 6:3 ҳисобида мағлуб этди.

Таққослаш учун, Денис Истомин жаҳон рейтингида 95, Николас 53, Муньяр 88, Клижан эса 112-ўринни эгаллаб турибди.