Италия терма жамоаси Париж-2024 Олимпиадаси учун ўз либосларини тақдим этди + ФОТО

"Armani" Италия терма жамоаси билан Лондон-2012 Олимпия ўйинларидан буён ҳамкорлик қилиб келади.

Форма тақдимотида волейбол бўйича Рио-2016 кумуш медали совриндори Симон Жанелли ва бадиий гимнастика бўйича Токио-2020 бронза медали совриндори Алессиа Маурелли иштирок этди.

Поло кўйлаклари ва футболкаларида Италия миллий мадҳиясининг бошланиши тасвирланган ва пиджаклар ичида биринчи куплети босилган.

"Италия миллий олимпия қўмитаси билан ҳамкорлигим 2012 йилда бошланган ва мамнуният билан давом этмоқда.

Ҳар доим спорт кийимлари учун янги ечимларни излашдан илҳомланаман. Улар услубнинг нафислиги ва амалийлигини уйғунлаштириши керак.

Париж-2024 да Италия терма жамоасини ажралиб туриши ва спортчиларимизга кучли миллий ўзига хослик туйғусини етказиш учун ишлаб чиқилган функционал, аммо нафис либослар яратдим", - дейди Жоржио Армани.