Жаҳон чемпионати. Диёра Келдиёрова ўзбек аёллар дзюдосида янги саҳифа очди

Аёллар ўртасидаги баҳсларнинг -52 кг вазн тоифасида юртимиз шарафини ҳимоя қилаётган Диёр Келдиёрова иштирокидаги бронза медали учун кечган беллашув якунланди. Унда Самарқанд дзюдо мактаби тарбияланувчиси исроиллик Гефен Примога қарши татамига чиқди ва имкониятни бой бериб қўйди. Ҳар қандай ҳолатда ҳам медаль учун курашган Келдиёрова юртимиз дзюдосида янги саҳифанинг очилишига сабабчи бўлди. Шу тариқа, Диёра жаҳон чемпионатида бешинчи ўринни эгаллади.

Гап шундаки, Ўзбекистон аёллар дзюдосида шу кунгача ҳали ҳеч ким жаҳон чемпионатининг бронза медали учун баҳсда иштирок этмаган эди. Диёра ўз фаолиятида кадетлар ўртасида жаҳон чемпиони бўлганди.