UZ

Сўнгги янгиликлар

23:35Футбол. Миллий чемпионатларга қачон рестарт берилади? (Рўйхат) 0 23:01Коронавирусга чалинганлиги айтилган Рамзан Қодиров мурожаат билан чиқди + ВИДЕО 0 21:46Хабибни америкалик курашчилар билан таққослашди 0 20:18"Тайёр бўл". Хабиб Нурмагомедов машғулотдан суратни намойиш этди + ФОТО 0 19:51"Getty"дан 10та шедевр: 28 май 0 19:29UFC чемпиони ташкилот раҳбарини ёлғончиликда айблади 0 19:07Емельяненко — Исмаилов жанги санаси маълум қилинди + ПОСТЕР 0 18:39Шаҳзодбек Собировни табриклаймиз! 0 18:10"Барселона" Лаутаронинг агенти билан маош борасида келишиб олди 0 17:40Навбатдаги мажлис: Ўзбекистонда Олимпиадага тайёргарлик асло сусайтирилгани йўқ 0 17:19Ўзбекистонда футболни ривожлантиришга оид навбатдаги қарор эълон қилинди 0 16:58Уайт - Поветкин жанги қачон ўтказилиши маълум қилинди 0 16:35WADA рўйхатни янгилайди 0 16:14Колумбиялик велоспортчилар "Тур де Франс"да иштирок эта олишмайди 0 15:53Данияда мухлислар ўйинни стадионда томоша қилишмоқда, аммо... (+ФОТО) 0

06 ноя 18:32
Янгиликлар

Кураш

Жаҳон чемпионатидан қайтган полвонларимиз тантанали кутиб олинди ФОТОГАЛЕРЕЯ

Аввал хабар берганимиздек, Россия федерациясининг Қозон шаҳрида белбоғли кураш (борьба на поясах) бўйича катталар ўртасида 17-Жаҳон чемпионати бўлиб ўтган эди.

Жаҳон чемпионатида муваффақиятли иштирок этган полвонларимиз 1 та олтин, 5 та кумуш, 6 та бронза, жами 12 та медални қўлга киритиб, қирқдан ортиқ  давлатдан иштирок этган спортчилар орасида умумжамоа ҳисобида кучли бешликдан ўрин эгаллашди. 

Терма жамоамиз делегацияси Қозон шаҳридан қайтиб келди. Полвонларимиз Ислом Каримов номидаги Тошкент халқаро аэропортида кенг жамоатчилик томонидан тантанали тарзда  кутиб олинди. Биз эса фурсатдан фойдаланиб, жаҳон чемпионатида медалларга эга бўлган спортчиларнинг таассуротлари билан қизиқдик.  

Бегойим РАҲИМБОЕВА, жаҳон чемпионатининг 76 кг. вазн тоифасида кумуш медаль соҳибаси (Хоразм): 

- Рақибларимиз ҳам белбоғли курашни яхши ўзлаштиргани боис ушбу жаҳон чемпионатида кучли учликдан жой олиш осон кечмади. Мақсадим олтин медални қўлга киритиш эди. Финал босқичида рақибим кучли эканига шубҳа қилмагандим. Охирги дақиқаларда омад мендан юз ўгирди шекилли, имкониятни бой бериб қўйдим. Бироқ, бундан афсусланганим йўқ. Шундай нуфузли мусобақанинг финалида кураш тушганимдан хурсандман. Кейинги халқаро мусобақаларда албатта биринчи бўлиш учун машғулотларга жиддий киришаман. Аввало, бизга шундай кенг имкониятлар яратилаётгани учун терма жамоамиз номидан, жаҳон чемпионатида учинчи ўринни эгаллаган энг яқин дугонам Уллижон Давлатова номидан Президентимизга раҳматлар айтамиз. Қолаверса, ота-онамга, ёшлигимиздан белбоғли курашга ошно этган, ушбу спорт турини вилоятда кенг тарғиб қилиб келаётган жонкуяр устозим Бекберган Болтаевга, Ўзбекситон белбоғли кураш федерацияси раиси, халқаро белбоғли кураш федерацияси (борба на поясах, IBWA) вице-президенти Равшан Дастировларга ўз миннатдорчилигимизни билдирамиз.

Муниса АЛИШЕРОВА, жаҳон чемпионатининг 52 кг. вазн тоифасида бронза медали соҳибаси (Қашқадарё): 

- Жаҳон чемпионатида илк бор иштирок этишим ва учинчи ўринни эгаллаб, бронза медалига эга бўлганимдан афсусда эмасман, аксинча хурсандман. Белбоғли кураш вилоятимизда оммалашиб бораётгани боис, секин аста халқаро мусобақалар ғолиб ва совриндорларимиз кўпаймоқда. Мен ҳам мамлакатимизга, вилоятмизга медаль олиб келганимдан мамнунам. Албатта, Қашқадарё вилоятига белбоғли курашни ривожлантиришда ташаббус кўрсатган  вилоят белбоғли кураш федерацияси раиси, Чироқчи туман 1-сонли болалар-ўсмирлар спорт мактаби директори, белбоғли кураш бўйича халқаро тоифадаги ҳакам Фарҳод ака Жумановга, Ўзбекистон белбоғли кураш федерациясига ўз миннатдорчилигмни изҳор этаман. Қолаверса, шу спорт турини мукаммал даражада ўргатиб келаётган мураббийим Баҳриддин Ярматовга, Чироқчи туман 1-сонли БЎСМнинг фидойи мураббийларига ташаккурлар дейман. Мақсадим - бронза медалини олтинга айлантириш ва бунинг учун янаям машғулотларга зўр берамиз.

Илҳом РАҲМОНОВ тайёрлади    

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг