UZ

Сўнгги янгиликлар

12:48Спортчилар ижтимоий тармоқларда0 12:20Биатлон. Бо жаҳон Кубоги босқичи ғолиби, Шипулин учинчи0 11:49Макгрегор кейинги жанги қайси йўналишда ўтказилишини айтди0 11:22Миржалол Қосимов "Афсоналар учрашуви"да гол урди0 10:53Биатлон. Дальмайер жаҳон Кубоги босқичи ғолибаси0 10:27Тажрибали гроссмейстеримиз Малайзияда совриндор бўлди0 10:03Поветкин - Жошуа жангининг қачон ўтказилиши деярли маълум0 09:26Серена Уильямс Australian Open турнирида қатнашмаслиги мумкин0 08:58"Реал" клублар ўртасидаги ЖЧ ғолибига айланди0 08:27Дзюдо. Россиядаги “Мастерс”да битта медал қўлга киритилди0 07:58Олимпиада. Шахматчиларимизда ғалаба ва мағлубият0 07:25«Челси» «Саутгемптон»ни, «Арсенал» «Ньюкасл»ни мағлуб этди0 18:50Ўзбекистон терма жамоасини Осиё Кубоги ярим финалига олиб чиққан мураббий футболдан четлатилди1 18:00Шавкат Мирзиёев оғир атлетикачи Рустам Джангабаевга уй совға қилди0 17:41ATP “йил камбэк”ини эълон қилди0

12 окт 17:34
Янгиликлар

Жаҳонгир Усмоновга футзал оммасидан раҳмат!

Теглар :  Футзал
Кеча Ўзбекистон футзал Ассоциацияси фаолияти тугатилди.

Футзал тараққиёти, мураббийлар тайёрлаш ва уларнинг малакасини ошириш, терма жамоаларни мусобақаларга тайёрлаш ва юбориш, шунингдек, миллий чемпионат ўйинларини ташкил қилиш ва ўтказишни шу йилнинг октябрь ойидан эътиборан Ўзбекистон Футбол Федерацияси ўз назорати остига олади.

Демак, ЎФА (Ўзбекистон футзал Ассоциацияси) энди йўқ ва футзал ЎФФ тасарруфига ўтди. Шу ўринда, биз мамлакатимизда футзалнинг ривожига катта ҳисса қўшган Жаҳонгир Усмоновни алоҳида эътироф этган бўлардик. Жаҳонгир Усмонов эндиликда собиқ ЎФАга 2006 йил вице-президент этиб тайинланган ва шу кунга қадар шу лавозимда фаолият юритиб келган эди. Бундан ташқари, у "Ардус" жамоаси президенти ҳисобланади. Демак, бундан кейин Жаҳонгир Мираброрович фақат "Ардус" президенти сифатида фаолиятини давом эттиради.

Футзал бўйича Ўзбекистон миллий терма жамоаси 2006 йилдан бери Осиё чемпионатларида 3 бор кумуш медални ва 2 маротаба бронза медални қўлга киритди. Тошкент эса 3 маротаба қитъа биринчилигига мезбонлик қилди. Айниқса, ўтган йил пойтахтимизда бўлиб ўтган Осиё чемпионати ҳалигача кўпчиликнинг ёдида бўлса керак. Ана шу мусобақада айниқса мухлислар бутун ОФКни лол қолдиришди. Осиё чемпионатининг ўтказилишига ҳам юқори баҳо берилди, биринчи ўйиндан то сўнгги финал беллашувига қадар барчамизни бирдек ҳис-ҳаяжонда ушлаб турди. Ана шу мусобақада терма жамоамиз ўз тарихида биринчи маротаба Жаҳон чемпионати йўлланмасини қўлга киритди ва Колумбия мезбонлик қилган мундиалда иштирок этиб қайтди. Гарчи, терма жамоамиз Жаҳон чемпионатида гуруҳдан чиқа олмаган бўлсада, уларнинг ўйини мухлисларда илиқ таассурот қолдирди.

Яқиндагина футзал терма жамоамиз Туркманистон пойтахти Ашхободдан кумуш медаллар билан қайтишди. Шу кунгача Ўзбекистон Ёпиқ иншоотлардаги Осиё ўйинларида 3 маротаба бронза медалини қўлга киритган, лекин финалга чиқмаган эди. Демак, бу борада "Ашхобод-2017"даги финал олдинга яна бир қадам ташланганини англатади. 

Бир сўз билан айтганда, юқоридаги ютуқларда Жаҳонгир Усмоновнинг ҳиссаси жуда катта бўлган.

Ўзбекистонда футзални ривожлантиришга қўшган улкан ҳиссаси учун Жаҳонгир Усмоновга миннатдорчилик билдириб қоламиз.


Рейтинг: -1   

Ўхшаш янгиликлар

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг