Жаҳоннинг собиқ тўртинчи ракеткаси фаолиятини якунлаганини эълон қилди

«Мен ўзимнинг ҳис-туйғуларим билан ёлғиз қолишни ва шу қарорга келиш учун ўзимга вақт беришни хоҳладим. Фаолиятимни якунлаш теннисни ортиқ севмаслигим ёки ўзимни кортда бошқа кўрмаслигимни англатмайди, деган фикрг келди. Ҳатто ҳозир ҳам ўша ҳаётни соғиндим, чунки мен болалигимдан буён теннис билан биргаман.

Лекин мен фаолиятимдан мамнунман. Ҳатто ҳамма нарса менинг муваффақиятга эриша олмаслигимни кўрсатганда ҳам менинг ҳаётимда орзуларимни амалга оширишга ёрдам берган инсонлар пайдо бўлди. Мен улардан жуда миннатдорман”, - дея Контанинг сўзларини келтиради WТА матбуот хизмати.

Фаолияти давомида Йоханна тўртта WТА яккалик турнирида ғолиб чиқди. Унинг "Катта Дубулға" турнирларидаги энг яхши кўрсаткичи Australian Open, Уимблдон ва "Ролан Гаррос" нинг ярим финалларига чиққани бўлган. 2017 йил июль ойида у ўзи учун энг юқори бўлган жаҳон таснифининг тўртинчи поғонасига кўтарилди.