"Jar Academy" Perak International Taekwon-Do Championship 2026 турнирида 8 та медаль қўлга киритди, 7 таси олтин!

"ILKKM Sultan Azlan Shah" мажмуаси мезбонлик қилган Perak International Taekwon-Do Championship 2026 мусобақасида дунёнинг йигирмага яқин давлатдан 2000 нафардан зиёд спортчи қатнашди. Юртимиз шарафини Бахтиёр Исроилов бошчилигидаги пойтахтнинг "Jar Academy" жамоаси таэквондочилари ҳимоя қилди.    

Мусобақада Малайзия, Янги Зеландия, Австралия, Индонезия, Сингапур, Вьетнам, Шри-Ланка, Хитой Тайпейи, Гонконг, Япония, Англия, Молдова, Эфиопия сингари йигирмага яқин давлатдан келган таэквондочилар бир нечта ёш ва вазн тоифасида ғолиблик учун даянга чиқдилар. 

"Jar Academy" жамоаси спортчиларидан тул ва масоге баҳсларида Малика Муҳсинова, Шаҳризода Муҳсинова, Саидислом Тохирхўжаев 2 тадан олтин, Саидрасулхўжа Тохирхўжаев 1 тадан олтин ва бронза медалларини қўлга киритди.