30 окт 09:23
Янгиликлар

Бокс/ММА

Жейкобс - Альварес: Бирлаштирувчи чемпионлик жанги ўтказилади

Профессионал бокснинг ўрта вазн тоифасида IBF чемпиони Дэниэл Жейкобс бирлаштирувчи чемпионлик жанги ўтказиш истагида эканлигини маълум қилди.

Жейкобс WBС ва WBA йўналишлари чемпиони мексикалик Сауль“Канело” Альваресни рингга чорлади. Якшанба куни Жейкобс украиналик Сергей Деревянченкони мағлуб этиб, вакант бўлиб турган IBF чемпионлик камарини қўлга киритган эди.

Маълумот учун, Жейкобс 2017 йилнинг март ойида эндиликда собиқ жаҳон чемпиони қозоғистонлик Геннадий Головкинга имкониятни бой берганди.

“Головкин энди чемпион эмас, шу боис менга у билан реванш жанги ўтказиш қизиқ эмас. Мен амалдаги жаҳон чемпионларига қарши жанг ўтказишни афзал биламан”, - деди Жейкобс.