Жиззах вилоятида бокс бўйича халқаро мусобақа якунига етди

Ушбу мусобақа Жисмоний тарбия ва спорт бошқармаси, вилоят ҳуқуқни муҳофаза қилиш органлари, Зафаробод туман ҳокимлиги, Жиззах вилояти бокс федерацияси, Ўзбекистон Ёшлар иттифоқи Зафаробод туман кенгаши, Зафаробод туман Молия бўлими билан ҳамкорликда ташкил этилди.

Мусобақада Қозоғистон ва Тожикистон Республикалари, Андижон, Фарғона, Тошкент ва Жиззах вилоятларидан ташриф буюрган 320 нафардан ортиқ спортчи ёшлар қатнашди.

Турнирда 2003-2004 йилларда туғилган ёшлар ўртасида 11 та вазн тоифасида, 2005-2006 йилларда туғилган ёшлар ўртасида 8 та вазн тоифаси бўйича ўтган қизғин беллашувлар якунига кўра Жиззах вилояти жамоаси биринчи, Тошкент вилояти иккинчи, Тожикистон Республикаси жамоаси эса учинчи ўринни эгаллади.

Мусобақа ғолиб ва совриндорлари ҳамкорлар томонидан таъсис этилган эсдалик совғалар, I-II-III-даражали медаль ва дипломлар, қардош давлат мураббийлари эса вилоят ва туман ҳокимлигининг рамзий совғалари билан тақдирланди.