Жиззахда корхона ва ташкилотлар ўртасида ўтказилган мусобақа ғолиблари тақдирланди

Жами 22та жамоа иштирок этган мусобақа якунларига кўра, Жиззах Политехника институтининг «Политехник» жамоаси биринчи ўринни эггалади. Иккинчи ва учинчи ўринлар мос равишда «Лочин» ва «Дўстлик» жамоаларига насиб қилди.

Тадбир давомида вилоят спорт бошқармаси, вилоят футбол федерацияси, шаҳар ва туман спорт бўлимлари, вилоят футбол клублари, жамоалари мутассадилари иштирокида йиғилиш ўтказилди. Унда вилоят футболи ютуқлари ҳамда мавжуд муаммолар, камчиликлар, таклифлар, вилоятда футболни янада оммалаштириш ва ривожлантириш масалалари, яратилган шарт-шароитлар муҳокама қилинди.