23 дек 17:17
Янгиликлар

Теннис

Жокович болалар боғчаси учун 94 000 евро ажратди

Дунёнинг собиқ биринчи ракеткаси сербиялик Новак Жокович яна бир хайрли ишга қўл урди.

“Катта Дубулға” туркумига кирувчи турнирларнинг 12 карра ғолиби Новак Жоковичнинг хайрия жамғармаси Сербиянинг Пожег шаҳрида жойлашган болалар боғчасига 94 000 евро ажратди.

Ушбу маблағ эвазига “Бэмби” деб номланган боғча реконструкция қилинади. Мактабгача таълим муассасига 300 нафарга яқин 3 ёшдан 5 ёшгача бўлган болалар қатнайди. Жоковичнинг бу жамғармаси 2007 йилда фаолиятини бошглаган эди.