Жокович Фокинага учралган мағлубиятга изоҳ берди

"Алехандрони табриклайман. У бугун ритмни ушлашда кучлироқ бўлди. У икки сетда ғалаба қозониши мумкин эди, аммо мен курашни тўхтатмадим ва ўйинни учинчи сетга қадар олиб бордим. Бироқ ўша ерда йиқилдим. Мен бугун одатдагидек ҳаракат қилишда қийналдим.

Албатта, ҳафсаламиз пир бўлди. Профессионал спортчилар ғалаба қозониш учун кортга чиқишади. Учинчи сетдаги ҳаракатларим ўзимга ёқмади, гўё оёқларим ўзимга умуман бўйсунмаётгандек эди. Аммо қумли қопламали кортда ўйнашни ҳис қилишим учун бироз вақт керак бўлишини мен аллақачон айтгандим. Ҳар доим шундай бўлган, мен мавсумнинг биринчи грунт турнирларида ҳеч қачон юқори натижаларни кўрсата олмаганман. Демак, ҳаммаси жойида. 

Жамоам ва мен мағлубият сабабларини кўриб чиқамиз. Умид қиламанки, келаси ҳафта Белградда ўзимни яхши ҳис қиламан", - дея Жоковичнинг сўзларини келтирган АТР матбуот хизмати.