10 мар 12:40
Янгиликлар
Теннис
Жокович Индиан-Уэллс ва Майами "Мастерслар"ида иштирок этмайди. Буни Новакнинг ўзи тасдиқлади
Жаҳоннинг иккинчи ракеткаси Новак Жокович Индиан-Уэллс ва Майамидаги "Мастерс" мусобақаларида иштирок этмаслигини маълум қилди.
"АҚШга кириш қоидаларини ҳисобга олган ҳолда Индиан-Уэллс ва Майами турнирларида иштирок этишим даргумонлигини билардим. Аммо, халқаро коронавирус чекловлари доимий равишда кўриб чиқилади, шунинг учун мен мумкин бўлган ўзгаришларни кутдим.
Бугун АҚШ Касалликларни назорат қилиш ва олдини олиш маркази қоидалар ўзгармаслигини тасдиқлади. Бу АҚШга кира олмаслигимни англатади. Мухлисларим мени яна кортда кўришни хоҳлашларини биламан ва тез орада Турга қайтишга умид қиламан. Американинг нуфузли турнирларида иштирок этаётган барчага омад ёр бўлсин”, — деб ёзди Жокович Instagram'даги саҳифасида.
Энди BNP Paribas Open турнирида Жоковичнинг ўрнини болгариялик Григор Димитров эгаллайди.
Ҳавола :
Манба : gotennis
Фикрлар