Жокович Рим "Мастерс" бош соврини учун юришини бошлади

Дунёнинг биринчи ракеткаси Новак Жокович мусобақанинг иккинчи даврасидан иштирокини бошлади. Сербиялик теннисчи ATP рейтингида 83-ўринни эгаллаб турган франциялик Корентен Мутега қарши кортга чиқди ва рақибига ҳеч қандай имконият қолдирмади - 6/3, 6/1.

Бу теннисчиларнинг ўзаро ўтказган иккинчи учрашуви эди - 2:0. Саксон олти дақиқалик баҳсда Жокович биттагина эйс зарбасини ижро этган. Муте эса умуман эйс зарбасини амалга ошира олмади. Иккала теннисчи ҳам қўшхатога йўл қўйишмаган. Брейклар табииийки, Новакда уч баробар кўпроқ бўлди - 6 га 2! 

Энди Новак Жокович Рим "Мастерс" турнирининг учинчи босқичида Алехандро Табилога қарши кортга чиқади. Чилилик теннисчи иккинчи даврада германиялик Янник Ганфманнни 6/3, 7/6(4) ҳисобида мағлубиятга учратди.