Жоковичда жарроҳлик амалиёти ўтказилди

Сербиялик теннисчи жароҳати сабаб ўтган йилнинг июлидан бери АТР байроғи остидаги турнирларда иштирок этмай келаётганди. Яқинда у Australian Open мусобақасида қатнашиб, тўртинчи даврага қадар етиб борди.

“Икки йилдан бери бу жароҳат менга азоб бериб келяпти. Шу кунгача кўплаб шифокорларга мурожаат қилдим. Ташхислар ҳам турлича бўлди. Куни кеча тирсагимни операция қилишди. Ҳозир ўзимни анча яхши хис қиляпман. Тез орада тўлиқ соғайган ҳолатда яна кортга қайтаман”, – деди Жокович.