Жоковичнинг амакиси: "Умид қиламанки, Австралия бош вазири ўз лавозимидан озод этилади"

"Аввалига унга виза беришади, кейин эса ҳибсга олишади. Бу қопқон деб ўйлайман. Уни таклиф қилишди, барча қоғозларни кўришди, кейин эса қамоққа олишди. 

Буни қабул қилиш оғир, Новак қонунни бузгани йўқ. Улар Новакка Австралияни ўз хоҳиши билан тарк этиш кераклигини айтишган. Акс ҳолда уни депорт қилиб, уч йил мамлакатга киришга тақиқ қўйишларини маълум қилишган. Бу XXI асрда бўлаётган нарса. 

Новакка ҳужум қилганидан сўнг Бош вазир Скотт Моррисонга нима бўлишини унинг менежери тушунтирганми ёки йўқми билмайман. Аммо у ўз лавозимидан озод қилинса керак деб ўйлаяпман. Умид қиламанки, шундай бўлади ҳам", - деди Жоковичнинг амакиси.