Жон Фьюри: "Уни атрофидагилар Усикни енгиш учун етарли билимга эга эмас. Тайсон аҳмоқларни тинглаяпти"

"Мен унинг рингга қайтишини хоҳламайман. У етарлича иш қилди. Ўғлимни бугунги Жо Паркердек аҳволда кўришни истамайман. Вақт уни қувиб етиб олди. У Уайлдернинг масаласини ҳал қилди, аммо бу жанглар ундаги бор нарсаларни олиб қўйди. 

Усик Тайсон билан жангни энг қулай пайтда ўтказди, аммо шунга қарамай, уни енголмади. Тайсоннинг мияси чайқалганди. У шундай аҳволда бўлса ҳам қайтиб келди ва икки марта ҳам Усикка қарши жанг натижалари бўйича баҳс-мунозаралар бўлди. Агар у яна жанг қилишни хоҳласа — бу унинг иши.

Унинг атрофидаги одамларда Усикдек жаҳон даражасидаги жангчини енгиш учун на ақл, на билим бор. Усик зўр формада, машғулотларда бутун кучини беради, унинг жамоаси ҳам жуда кучли. Қаранг, менинг ўғлимдан супероғир вазнда мутлақ жаҳон чемпиони унвонини қандай олиб қўйишди. Мен телевизорга олмаларни отдим. Агар ўша ерда бўлганимда, уларнинг юзига отган бўлардим. Жанг пайтида у мендек семириб кетганди, чемпионлик учун яхши таниш рақибга қарши жанг қиларди.

Тайсон аҳмоқларни тинглаяпти. У, албатта, дунёдаги энг яхши супероғир вазн жангчиси, лекин нотўғри одамларни эшитаяпти. У менинг гапларимга қулоқ солиши керак, лекин бундай қилмаяпти", — деди Жон Фьюри.