Жон Жонс фаолиятини бутунлай якунлашга тайёр эмас

"У якунлашни истамаяпти. Унинг сонига ўзак ҳужайралари инъекция қилинганини биламан. Ҳа, мен буни биламан, чунки уни уюштиришга ўзим ёрдам берганман. Мен бу ҳақда гапирмаган бўлардим, лекин Жонснинг ўзи бу ҳақда сўз очди. У "Ways2Well" клиникасида муолажа олди ва анча яхши бўлиб қолди. Унинг сонида артрит бор. Бу уни ташвишга солади, лекин у жанг қила олмайдиган даражада эмас. Жон барча даврларнинг энг буюк жангчиси, нуқта!", - деди Роган ўз подкастининг навбатдаги сонида.

Аввалроқ, Жон Жонс Оқ уйдаги UFC турнирида Лига билан октагонга қайтиши бўйича келиша олмаган ҳамда Алекс Перейра билан жанг учун 15 миллион доллар гонорар етарли эмас деб ҳисоблаганди. У шунингдек, Дана Уайтнинг сонидаги муаммолар унинг фаолиятини давом эттиришга имкон бермаслиги ҳақидаги сўзларига муносабат билдириб, ўзини ташкилотдан бўшатишни сўраган эди.

Ўтган йилнинг ёзида 38 ёшли америкалик оғир вазн тоифасида UFC чемпионлик камарини бўшатиб, Том Аспиналл билан бирлаштирувчи жангдан воз кечган ва фаолиятини якунлаганини эълон қилганди. Бироқ икки ҳафтадан сўнг спортдан кетиш фикридан қайтган ва допинг текшируви бўлимига қайтган эди.