21 окт 09:54
Янгиликлар
Теннис
Жўрабекнинг бош мукофот учун баҳсдаги рақиби маълум
Хабар берганимиздек, истеъдодли теннисчимиз Жўрабек Каримов Малайзиянинг Кучинг шаҳрида ўтказилаётган “Фьючерс” туркумига кирувчи турнирнинг финалига йўлланма олганди.
Ҳамюртимиз соврин жамғармаси 15 000 долларни ташкил қилувчи мусобақанинг яккалик баҳслари ярим финал учрашувида япониялик Танума Рийотани 6:4, 6:2 ҳисобида мағлубиятга учратганди. Бир неча дақиқа аввал унинг финалдаги рақиби ҳам маълум бўлди.
Унга кўра, бош мукофот учун баҳс АҚШ вакили Эван Сонг ҳамда ўзбекистонлик Жўрабек Каримов ўртасида бўлиб ўтади. Турнирда тўртинчи рақам остида таснифланган Сонг ярим финалда мусобақанинг биринчи ракеткаси италиялик Алессандро Бегани 6:4, 6:2 ҳисобида таслим этди.
Таққослаш учун, Танума дунё рейтингида 914, Сонг 584, Бега 335, Жўрабек эса 1030-ўринни эгаллаб турибди. Каримов - Сонг учрашуви бизнинг вақт билан эртага тонгда бўлиб ўтади.
Ҳавола :
Манба : olamsport.com
Фикрлар