Жоржио Пуллас Арман Царукян билан MMA қоидалари бўйича жанг ўтказмоқчи

"Биз ҳали Дана Уайт билан тўғридан-тўғри мулоқот қилмадик, - деди Пуллас MMA Fighting нашрига берган интервьюсида. - Лекин фикримча, ММА қоидалари бўйича ўртамизда жанг ўтказадиган ташкилот топилса яхши бўларди - стриминг компанияси ёки бошқа бирор платформа иштирокида... Мен бажонидил бу жангда иштирок этган бўлардим".

Эслатиб ўтамиз, бугун Пуллас ва Царукян RAF лигасида эркин кураш қоидалари бўйича сўнгги бир ой ичида иккинчи жангини ўтказади. Уларнинг биринчи жангида Царукян 5:3 ҳисобида ғалаба қозонганди. Белашувдан сўнг иккала курашчи жамоалари ўртасида оммавий муштлашув юзага келган эди. Шу боис, RAF раҳбарияти реванш баҳсини ўтказишда кучайтирилган хавфсизлик чораларини кўришга ва қоидабузарлик учун рақибларни шафқатсиз жазолашга ваъда берди. Реваншда ҳам Арман зафар қучди ва бу билан барчасига нуқта қўйди.