23 сен 02:19
Янгиликлар

Бокс/ММА

Жошуа - Поветкин чемпионлик жанги етти раунд давом этди

Лондон шаҳридаги муҳташам "Уэмбли" стадионида профессионал бокс оқшоми якунланди.

Кечанинг марказий жанги супероғир вазн тоифасида WBA (Super), WBO, IBO ва IBF йўнаишлари чемпиони британиялик 28 ёшли Энтони Жошуа ҳамда россиялик 39 ёшли даъвогар Александр Поветкин ўртасида бўлиб ўтди.

Жангнинг биринчи раундини Поветкин жуда яхши темпда ўтказди. Кейинги раундларда Жошуанинг устунлиги сезилиб турди. Еттинчи раундда Энтонининг ўнг қўлда йўллаган кучли зарбаси Поветкинни мувозанатдан чиқарди. Кейинги зарбадан кейин эса Александр нокдаунга учради. Рефери эса бу вазиятда жангни тўхтатди. Жошуа яна бир бор чемпионлик камарини ҳимоя қилди.