06 май 17:05
Янгиликлар
Бокс/ММА
Жошуа реванш жангда Усикни нокаут қилмоқчи
Британиялик боксчи Энтони Жошуа украиналик Александр Усик билан бўлажак реванш жанги ҳақида гапирди.
"Усик билан биринчи жангимиз 12 раунд давом этди. Бу менинг режам эди ва рақобатлаша оламан деб ўйлагандим. Усик икки раунд кўпроқ устунликка эга бўлди ва шу тариқа чемпионга айланди. Энди мақсадим илдизга қайтиш ва нокаут эвазига ғалаба қозониш. Бокс билан шуғулланганимда, рақибларнинг руҳи сўниб бораётганини ҳис қиламан. Инсонларнинг кўзига тик қараш ва фикрларини ўқиб зарба кетидан зарба беришингиз мумкин", - дейди Жошуа.
Жошуа ва Усик ўртасидаги жанг 25 июль куни бўлиб ўтади.
Усик ва Жошуа ўртасидаги биринчи жанг The Ring нашрига кўра 2021 йилнинг асосий жанги деб тан олинганди. 12 раунд давом этган жангда: 116-112, 117-114, 115-113 ҳисоби билан украиналик боксчи ғалаба қозонган ва WВА Супер, WВО, IBF ва IBО камарларини қўлга киритганди.
Ҳавола :
Манба : championat.com
Фикрлар