09 янв 17:01
Янгиликлар

Бокс/ММА

Жошуа ва Паркерга ваъда қилинган гонорар суммаси ошкор қилинди

Буюк Британиянинг Daily Mirror нашри супероғир вазн тоифасида жаҳон чемпионлари Энтони Жошуа ва Жозеф Паркер учун ваъда қилинган гонорар суммасини ошкор қилди.

Унга кўра, жангдан тушадиган даромаднинг 65 фоизи Жошуага, қолган 35 фоизи Паркерга тегишли бўлади. Британиялик чемпион 15 миллион фунт стерлинг (20,3 миллион доллар), Янги Зеландия боксчиси эса 7 миллион фунт стерлинг (9,5 миллион доллар) миқдоридаги гонорарни қўлга киритади .

Маълумот учун, Энтони Жошуа супероғир вазн тоифасида IBF, IBO ва WBA, Жозеф Паркер эса WBO йўналиши чемпиони бўлиб турибди. Бу икки боксчи ўртасидаги бирлаштирувчи чемпионлик жанги 31 март куни Уэльс пойтахти Кардифф шаҳрида бўлиб ўтади.