Жошуанинг жамоаси Уайлдерга бир йўла иккита жанг таклиф қилди

Эдди Хирн супероғир вазнда учта йўналиш чемпиони бўлиб турган Энтони Жошуанинг промоутери ҳисобланади. Промоутер бор эътиборини Жошуа ва Уайлдер ўртасида жанг ўтказишга қаратган. 

“Агар Уайлдер 1 декабрь куни Фьюрини мағлубиятга учратса, у ҳолда зудлик билан унинг кейинги жанги Жошуашга қарши ўтказилишини таъминлашга ҳаракат қиламиз. Деонтейга бир йўла иккита жангни ўзида мужассам этган шартнома берамиз. Жангларнинг бири АҚШда, иккинчиси эса Англияда ўтказилади. Шундай қилсак, адолатли бўларди. Мабодо, у бу таклифни ҳам рад этса, бошқа ушбу жанг мавзусига қайтмасак ҳам бўлади”, - деди Хирн.