10 мар 09:03
Янгиликлар

Бокс/ММА

Каллум Жонсон Шонни нокаут эвазига мағлуб этди

Профессионад бокснинг ярим оғир вазн тоифасида чемпионлик камари учун собиқ даъвогар Каллум Жонсон фаолиятидаги ёрқин ғалабага эришди.

Жонсон бундан бир неча дақиқа аввал АҚШда якунланган жангда америкалик Шон Монэганни учинчи раунддаёқ техник нокаутга учратди. Иккинчи раундда Монэган икки бор нокдаун ҳолатига тушиб қолди. Учинчи раундда эса рефери жангни тўхтатишга мажбур бўлди.

Маълумот учун, Жонсон ўтган йилнинг ноябрь ойида IBF чемпионлик камари учун россиялик Артур Бетербиевга қарши рингга кўтарилганди. Ўшанда Каллум Артурни нокдаун ҳолатига тушира олган бўлса-да, лекин тўртинчи раундда техник нокаут эвазига мағлубиятини тан олган эди.