02 окт 14:01
Янгиликлар

Бокс/ММА

Канелога бир нечта телеканаллардан таклифлар бор

Golden Boy Promotions промоутерлик компанияси президенти Эрик Гомес ўрта вазн тоифасида икки йўналиш чемпиони Сауль “Канело” Альваресга бир нечта машҳур телеканаллардан таклиф бўлаётганини маълум қилди.

Шу кунгача Альвареснинг жангларини Американинг НВО телеканали трансляция қилиб келаётганди. Лекин ушбу телеканал раҳбарияти ўтган ҳафта келаси йилдан бошлаб бокс жанглари трансляция қилинмаслигини ошкор этди.

“Бизга етарлича таклифлар бўляпти. Тез кунда Оскар Де Ла Хойя билан учрашиб, бу масалани ҳал қилиб олишимиз керак”, - деди Гомес.

Аввалроқ, мексикалик боксчининг 15 декабрь куни рингга кўтарилиши мумкинлиги хабар қилинганди. Агар ушбу санага мўлжалланаётган жанг амалга ошса, у ҳолда НВО телеканали Альварес иштирокидаги мазкур баҳсни трансляция қилади.