Каннонье зарбалар бўйича ўрта вазн рекордини ўрнатди

У бугун Лас-Вегасда ўтган UFC on ESPN 47 турнирида Марвин Ветторига 241 та зарба йўллаган. Бу ўрта вазн тоифаси жангчилари учун рекорд кўрсаткич ҳисобланади. Каннонье бугунги жангда рақибини ҳакамларнинг якдил қарори билан мағлубиятга учратган эди. 

"Адесаньяга қарши жангимдан кейин ўз олдимга зарбалар сонини кўпайтиришни мақсад қилиб қўйгандим. Бугун ана шу ниятимга етдим ва рекордни янгиладим. Энди менинг ҳам UFC тарихида исм-шарифим бор", — деди Каннонье.

Таъкидлаш жоиз, барча вазн тоифаларини олганда, манзилига етиб борган 241 та зарба UFC тарихидаги тўртинчи кўрсаткич ҳисобланади. Каннонье бу борада Роб Фонт, Макс Холлоуэйдан ортда қолмоқда. Фонт Марлон Верага қарши жангда 271 та зарба йўллаган эди. Макс Холлоуэй Ортега билан жангда 290, айнан унинг ўзи Келвин Каттарга қарши баҳсда 445 та зарба бера олганди.