Каруана Классик турнири ғолиби, амалдаги жаҳон чемпиони учинчи бўлди

Соврин жамғармаси 300 000 долларни ташкил қилувчи мусобақада дунёнинг энг кучли гроссмейстерлари дона суришди. Мусобақанинг сўнгги 9-партиясида америкалик Фабиано Каруано оқ доналарда англиялик Адамсни мағлуб этди.

Пешқадам россиялик Ян Непомняший эса оқ доналарда ўйнашига қарамай, Вашье-Лаграв билан дуранг ўйнади. Бу билан Непомняший ва Каруананинг очколари тенглашиб қолди. Регламентга кўра тай-брек ўйналиб, унда Каруана Непомняшийни 2,5:1,5 ҳисобида енгиб, мусобақа ғолибига айланди.

Амалдаги жаҳон чемпиони норвегиялик Магнус Карлсен сўнгги турда қора доналарда ўйнашига қарамай, арманистонлик Левон Аронянни таслим этди ва қўшимча кўрсаткичларга кўра мусобақани учинчи ўринда якунлади.

9-тур натижалари: Каруана – Адамс 1-0, Аронян – Карлсен 0-1, Ананд – Со 0-1, Непомняший – Вашье-Лаграв, Карякин – Накамура партияларида дуранг қайд этилди

Якуний кўриниш: 1-2. Непомняший, Каруана – 6; 3-5. Карлсен, Вашье-Лаграв, Со – 5; 6. Накамура – 4,5; 7. Аронян – 4; 8. Карякин – 3,5; 9-10. Ананд, Адамс – 3.

Тай-брейк. Непомняший – Каруана 1,5:2,5.