Жавоҳир Синдаров яна бир бор Магнус Карлсенни мағлуб этди

Мусобақада фақат расмий шахмат унвонига (GM, IM, FM ва бошқалар) шахматчилар иштирок этади. Турнир формати швейцарча тизимда 11 раунддан иборат бўлиб, ҳар бир партия 5 дақиқа вақт назорати билан ўйналади. 

Кечаги турнирда ҳамюртларимиз орасида энг яхши натижани Жавоҳир Синдаров қайд этди. Гроссмейстеримиз 5-тургача юз фоизлик натижа билан пешқадамлик қилди. Аммо кейин вақти тушиб кетганлиги учун икки мағлубиятни қабул қилиб олди. 

Шунга қарамай, сўнгги турларни ўз фойдасига ҳал қилиб, 11 имкониятдан 9 очко тўплади. Охирги турда ҳатто қора доналарда ўйнаганига қарамай, жаҳон тождори Магнус Карлсенни ҳам мағлуб этишни уддалади. Жавоҳир фақат қўшимча кўрсаткичларга кўра 6-ўринни эгаллади. Совринли учинчи ўринни банд этган Денис Лазовик ҳам Синдаров сингари 9 очко жамғарди. Турнир чемпионлиги 9,5 очко тўплаган франциялик Максим Вашье-Лагравга насиб этди. Шунча очкога эга польшалик Ян-Криштоф Дуда эса иккинчи поғонадан жой олди. 

Эслатиб ўтамиз, Жавоҳир Синдаров икки ҳафта аввал ушбу турнирда 9,5 очко жамғариб, чемпионликни қўлга киритганди. Ўшанда у Ян Непомнянший, Владислав Артемьев, Максим Вашье-Лаграв сингари таниқли рақибларини таслим этганди. Жавоҳир январь ойида ҳам Titled Tuesday турнирида тенгсиз бўлган эди.