19 фев 15:28
Янгиликлар

Дзюдо

"Катта Дубулға". Шарофиддин Болтабоев ҳам ғалаба билан бошлади

Тель-Авив "Катта Дубулға" турнирининг иккинчи кунги беллашувлари ўзининг қизғин палласига кириб бормоқда.

Ҳозиргина -81 кг вазн тоифасидаги дзюдочимиз Шарофиддин Болтабоев мусобақадаги илк учрашувини ўтказди. Қорақалпоғистонлик дзюдочимиз иккинчи давра баҳсида молдовалик Дорин Готоноагани вазари баҳоси эвазига мағлубиятга учратди.

Энди Шарофиддин чорак финал йўлланмасини берадиган баҳсда германиялик Александр Вичерзакка қарши татамига чиқади. Бу олмон дзюдочиси аввалига тожикистонлик Акмал Муродовни, кейин эса грузиялик Лука Майсурадзени енгишга муваффақ бўлди.