27 окт 15:44
Янгиликлар
Кинг-Конг Уайлдер - Фьюри оқшомининг андеркард жангида рингга чиқади
Профессионал бокснинг супероғир вазн тоифасида WBC чемпионлик камарига собиқ даъвогар Луис “Кинг-Конг” Ортиснинг навбатдаги жанги айнан ушбу бокс кечасида ўтказилиши маълум қилинди.
ESPN нашри берган хабарга кўра, Ортис америкалик 33 ёшли Трэвис Кауфманга қарши рингга кўтарилади. Оқшомнинг марказий жанги эса WBC чемпиони, америкалик енгилмас боксчи Деонтей Уайлдер ҳамда британиялик собиқ жаҳон чемпиони Тайсон Фьюри ўртасида бўлиб ўтади.
Маълумот учун, кубалик 39 ёшли Ортис ўзининг сўнгги жангини шу йилнинг июль ойида ўтказиб, иккинчи раундда руминиялик Разван Кожануни нокаутга учратган эди. Шу йилнинг мартида эса айнан Уайлдерга жангнинг ўнинчи раундида техник нокаут эвазига имкониятни бой берганди.
Фикрлар