Кличко ХОҚдан ҳаваскор боксни WBAга беришни сўради

Украиналик машҳур боксчининг айтишича, Халқаро олимпия қўмитаси чарм қўлқоп усталарига Олимпиада лицензияси, яъни йўлланмасини Бутунжаҳон бокс ассоциацияси (WBA) тақдим этиши лозим. 

“Бугунга келиб ҳаваскор бокс Олимпия ўйинлари дастуридан чиқариб ташлаш хавфи остида турибди. Бундай бўлмаслиги учун тарихий ўзгаришларни амалга ошириш лозим. Тажрибали боксчи сифатида Токио Олимпиадасининг бокс мусобақасида қатнашиш ҳуқуқини берувчи йўлланмаларни WBA ташкилоти тақдим этишини таклиф қиламан”, - деди Кличко.

Халқаро олимпия қўмитаси коррупцион жанжал ва нохолис ҳакамлик сабабли бокс мусобақасини Олимпия ўйинлари дастуридан чиқаришга уринмоқда. Бир ҳафтадан сўнг Токио шаҳрида Халқаро олимпия қўмитасининг Ижроқўм йиғилиши бўлиб ўтади. Унда айнан бокс масаласи ҳам кун тартибида бўлади.