14 июн 20:42
Янгиликлар

Футбол

"Копа Америка" олдидан Бразилия терма жамоаси аъзоси жароҳат олди

Бразилия терма жамоаси дарвозабони Эдерсон жароҳати туфайли жамоа машғулотларини якунлай олмади.

25 ёшли "Манчестер Сити" посбонининг ўнг сон мускуллари жароҳат олди. Унинг соғайиши 5 кундан 7 кунгача вақт олади. Бу вақт унинг тикланиши учун етарли бўлиши керак.

Кўриниб турибдики, Эдерсон "Копа Америка"нинг битта ёки иккита ўйинини ўтказиб юборади. Унинг ўрнини "Ливерпуль" посбони Алиссон эгаллаши кутилмоқда.

Эслатиб ўтамиз, Эдерсон ва "Манчестер Сити" якунланган мавсумда Англиядаги барча совринларни қўлга киритди.