Коутиньо жароҳат олиб, номаълум муддатга сафдан чиқди

Бразилиялик футболчи Англия чемпионатининг 13-тури доирасидаги “Сандерленд” клубига қарши кечган учрашувнинг 32-дақиқасида жароҳат олди.

“Сандерленд” ярим ҳимоячиси Дидье Ндонга 24 ёшли Филиппенинг оёғига зарба бериб, жароҳат етказди. Ўйиннинг 34-дақиқасида Коутиньо ўз ўрнини Дивок Оригига бўшатиб беришга мажбур бўлди.

Ҳозирча футболчининг қанча муддатга сафдан чиққани маълум эмас. Тиббий текширувдан сўнг бунга ойдинлик киритилади.

Маълумот учун, бразилиялик футболчи бу йилги мавсумда Премьер-лиганинг 13та учрашувида майдонга тушиб, 5та гол киритишга ва 5та голли узатма беришга муваффақ бўлди.