01 ноя 08:21
Янгиликлар
Ковалёв - Альварес жанги чипталари UFC 244 турнири чипталаридан 1,5 баробар қимматга сотилди
Оқшомнинг марказий жанги Хорхе Масвидаль ҳамда Нэйт Диас ўртасида ўтказилади. UFC 244 шоуси бу йил ҳисобидан ўтказилган турнирларнинг эркин савдога чиқарилган чипталари нархи бўйича иккинчи натижани қайд этди.
Масвидаль - Диас жангини томоша қилиш учун энг арзон чиптанинг нархи 266, ўртача баҳоси эса 439 доллар этиб белгиланганди. UFC 239 турнири чипталарининг ўртача нархи эса 547 доллар бўлган эди. UFC 239 турнирида иккита - Жон Жонс ҳамда Аманда Нуньес иштирокидаги чемпионлик жанглари ўтказилганди. Ўша турнир доирасидаги жангда Масвидал Бен Аскренни 5-сониядаёқ нокаутга учратиб, UFC рекордини янгилаган эди.
Таққослаш учун, 2 ноябрь оқшомида АҚШнинг Невада штати Лас-Вегас шаҳрида профессионал бокс кечаси ташкил этилади. Оқшомнинг марказий жангида Сергей Ковалёв ва Сауль Альварес ўзаро тўқнаш келишади. Ушбу бокс кечасига кириш учун 293 доллар тўлаш кифоя қилади, яъни энг арзон чиптанинг баҳоси шундай. Чипталарнинг ўртача нархи эса $688! Бу UFC 244 турнирининг ўртача нархидан бир яримга кўмак демакдир.
Маълумот учун, UFC президенти Дана Уайт UFC 244 турнирининг марказий жанги ғолибига махсус - BMF чемпионлик камари тайёрлаб қўйилганини айтганди. Ушбу камарни Масвидал - Диас жанги ғолибига Голливуд актёри Дуэйн "Скала" Жонсон топширади.
Фикрлар