14 июн 14:14
Янгиликлар
Бокс/ММА
Ковалёв АҚШ фуқаролигини олиши ҳақидаги хабарни инкор этди
Профессионал бокснинг ярим оғир вазн тоифасида собиқ жаҳон чемпиони Сергей Ковалёв (30-1-1, 26 КО) АҚШ фуқаролигини олиши ҳақида тарқатилган хабарлар асоссиз эканлигини маълум қилди.
Хабарларда WBA, WBO ва IBF йўналишларида собиқ жаҳон чемпионининг ҳозирги чемпион америкалик Андре Уордга қарши ўтказадиган реванш жангидан олдин АҚШ фуқаролигини қабул қилиш истагида эканлиги айтилганди.
“Бу ёлғон маълумот. Очиғи, матбуотда тарқатилган бу хабарни ўқиб, ўзим ҳайрон бўлдим. Шуни расман айтаманки, мен АҚШ фуқаролигини қабул қилмадим ва бундай ниятим ҳам йўқ”, — деди Ковалев.
Эслатиб ўтамиз, Ковалёв - Уорд жанги 17 июнь куни АҚШнинг Невада штати Лас-Вегас шаҳрида бўлиб ўтади. Шанба оқшомида ўтказиладиган жанг реванш мақомида бўлади.
Ҳавола :
Фикрлар