24 мар 10:41
Янгиликлар

Бокс/ММА

Кубрат Пулев руминиялик боксчини нокаутга учратди

Болгариялик супероғир вазн тоифасидаги боксчи, Жошуага тегишли IBF чемпионлик камарига расмий даъвогар Кубрат Пулев навбатдаги ғалабасига эришди.

Пулев АҚШнинг Калифорния штатида ўтган бокс оқшомида руминиялик Богдан Динуга қарши рингга кўтарилди. Бу Кубрат учун Top Rank промоутерлик компанияси билан ҳамкорликдаги илк жанг эди.

Болгариялик боксчи еттинчи раундда рақибини нокаут эвазига мағлубиятга учратди. Жангнинг дастлабки учта раунди тенг кечди. Хатто Пулевнинг қоши ҳам яхшигина ёрилди.

Шунга қарамай, тажрибали Кубрат жангни еттинчи раундда ўз фойдасига ҳал қилган ҳолда якунлай олди. Жанг еттинчи раундда тўхтатилган бир пайтда болгариялик боксчи 58-56, 57-57, 57-57 ҳисобидаги кичик устунлик билан ғалаба қозонаётган эди.

Маълумот учун, Кубрат Пулев бугунги ғалабаси эвазига Жошуага тегишли IBF титулидан ташқари WBA ва WBO камарлари учун ҳам расмий даъвогарга айланди.