Кураш Грециядаги Халқаро спорт Конгрессида тақдимот қилинди

Греция Спорт вазирлиги, Таълим вазирлиги Миллий Олимпия қўмитаси ташаббуси билан “Спортчилар учун миллий режа” 1-Халқаро Конгресси ташкил этилди.
Конгресс халқаро семинар, Халқаро ва Миллий спорт федерацияларининг кўргазмаси ва расмий учрашувлар тарзида бўлиб ўтди.
Конгресс давомида Европа Кураш Конфедерацияси Президенти жаноб Мераби Илиадес томонидан Греция ва Европада Кураш спорти ва бошқа жанг санъатларини ривожлантириш мавзусида маъруза қилинди.

Кўргазма кунлари давомида эса Кураш Спорти павилионида Кураш яктаклари, буклетлар, баннер ва Кураш тақдимотига бағишланган филм намойиш қилинди.
Кураш спорти павилионига ташриф буюрган Европа Олимпия Қўмитаси Президенти жаноб Спирос Капралос ва Греция Парламенти, Спорт ва таълим вазирлиги раҳбарларига Кураш спорти ҳақида батафсил маълумот берилди.