Курашчиларимиз Ҳиндистон заминини забт этишди + ФОТО

Уч кун давом этган катта кураш байрамида дунёнинг 60 га яқин давлатидан 300 нафардан зиёд полвонлар жами 15 та вазн тоифасида жаҳон чемпионати ғолиб ва совриндорлари маълум бўлди. Ҳаяжонли ва муросасиз баҳларга бой бўлган дунё биринчилигининг сўнгги куни аёллар ўртасида -48, -52 кг, эркакларда эса -100 ва +100 кг вазнларда беллашувлар ташкил этилди. 

Умумжамоа ҳисобидаги ғолиблик учун кураш сўнгги сонияларга қадар давом этди. Бугунги кун дастури олдидан Эрон биздан битта олтин кўп жамғарган эди. Шунга қарамай, курашчиларимиз ўз маҳоратларини намойиш этиб, якунда асосий рақиб ҳисобланган эронликларни битта олтин медалга ортда қолдириб кетишди. 

Кураш ватани вакиллари 7 та олтин, 4 та кумуш, 3 та бронза медали билан умумжамоа ҳисобида биринчи ўринни банд этишди. Иккинчи ўрин Эрон терма жамоасига насиб этди: 6 та олтин, 4 та кумуш, 4 та бронза. Кучли учликка Жанубий Корея терма жамоаси 1 та олтин, 2 та кумуш ва 2 та бронза медали билан якун ясаб берди. 

Жами 11 та мамлакат терма жамоаларининг Пунадан ватанларига жаҳон чемпионати медаллари билан қайтаётгани курашимизнинг дунёда янада оммалашиб бораётганини кўрсатмоқда. 

Сўнгги кун қаҳрамонлари:

Аёллар

-48 кг вазн тоифаси

1. Моҳинур Мўминова (Ўзбекистон)

2. Айширин Ҳайдарова (Туркманистон)

3. Савира Ризкианти (Индонезия)

3. Лейла Сиаҳвоши (Эрон)

-52 кг вазн тоифаси

3. Ҳилола Ортиқбоева (Ўзбекистон)

2. Таҳереҳ Азарпеиванд (Эрон)

3. Айнур Аманова (Туркманистон)

3. Отгонжатгал Сарантуя (Мўғулистон)

Эркаклар

-100 кг вазн тоифаси

1. Жавад Моради (Эрон)

2. Филипп Диновиc (Сербия)

3. Ама Модесте Нгамбоулоу (Конго) 

3. Принц Коси (Конго ДР)

+100 кг вазн тоифаси

1. Муҳсин Ҳисомиддинов (Ўзбекистон) 

2. Кунатхип Он (Таиланд)

3. Али Бани Саад (Ироқ)

3. Жунёнг Жеонг (Жанубий Корея)