22 июл 08:12
Янгиликлар

Бокс/ММА

Кутганмидингиз? Майк Тайсон vs Рой Жонс жанги ўтказилади

Хабарингиз бор, супероғир вазнда собиқ мутлақ жаҳон чемпиони, афсонавий Майк Тайсон кўргазмали жангларда қатнашиш учун машғулотларга зўр берган.

Темир Майк машғулотларда камида 20 йил аввалги тезлигини намойиш этмоқда. Афсона тўртта вазнда собиқ жаҳон чемпиони Рой Жонс билан жанг қилиш истагини билдирган. Боксчилар шартнома бандлари бўйича келишиб ҳам олишган.

Хабарда айтилишича, америкалик бокс афсоналари ўртасидаги жанг ҳафта сўнггига қадар расман эълон қилинади. Супер жангнинг сентябрь ойида АҚШда ўтказилиши ва 8 раунддан иборат бўлиши айтилмоқда.

Маълумот учун, Рой Жонснинг боксдаги фаолияти 1989-2018 йиллар оралиғига тўғри келади. У бу вақт ичида ўрта, иккинчи ўрта, ярим оғир ҳамда оғир вазн тоифаларида жаҳон чемпиони бўлган. Майк Тайсон эса 1985-2005 йиллар оралиғида супероғир вазнда рингга чиққан.