17 дек 11:11
Янгиликлар

Бокс/ММА

LIVE. Алёр Норалиев жангсиз Ўзбекистон чемпиони бўлди

Самарқанд шаҳри мезбонлик қилаётган бокс бўйича катталар ўртасидаги Ўзбекистон чемпионатида яна бир вазн тоифасида чемпион аниқланди.

Эътиборлиси, -63 кг вазн тоифасида ҳам финал жанги ўтказилмади. Боиси, Шунқор Абдурасулов номаълум сабабларга кўра рингга чиқмаган. Натижада бу вазнда Тошкент вилояти вакили Алёр Норалиев Ўзбекистон чемпионига айланди.

Ярим финалда мағлубиятга учраган боксчилар - Шукуржон Раҳимов ва Камронбек Эшматов бронза медали билан тақдирланишди. Норалиев ўтган йили Термизда ўтган Ўзбекистон чемпионатининг финалида мағлуб бўлиб, кумуш медал билан кифояланганди.