"Ливерпуль" 7 нафар футболчисини сотиб юбормоқчи

Мерсисайдликлар сафини тарк этиши мумкин бўлган футболчилар орасида Симон Миньоле, Педро Чиривелья, Марко Груич, Лазар Маркович, Олувасейи Ожо, Дэнни Ингс ва Дивок Ориги бор.

"Ливерпуль" Миньолени 14 млн. еврога, "Суонси Сити" ва "Ноттингем Форест" қизиқаётган Чиривельяни 5,6 млн. еврога баҳоламоқда. "Лацио" қўлга киритмоқчи бўлган Груич 22,4 млн. еврога сотилиши мумкин. "Андерлехт", "Леганес" ва "Хетафе" харид қилишни истаётган Маркович 7,8 млн. еврога баҳоланди. Ожони сотиб олмоқчи бўлган клуб 16,8 млн. евро сарфлашига тўғри келади.

"Саутгемптон", "Лестер Сити", "Кристал Пэлас" ва "Ньюкасл Юнайтед" қизиқаётган Ингснинг нархи 22,4 млн. евро. Жамоа бош мураббийи Юрген Клопп форвард билан хайрлашиш ниятида эмас, аммо футболчи доимий ўйин амалиётига эга бўлишни истайди. Оригини харид қилмоқчи бўлган клуб 30 млн. евро тўлашига тўғри келади.