"Ливерпул"нинг янги мавсумдаги мураббийи маълум

"The Athletic" нашрининг хабар беришича, клуб раҳбарияти бу мавсумдаги натижаларга қарамай, унга тўлиқ ишонишда давом этмоқда.

Мерсисайдликлар мураббийни ўзгартиришни ўйламаяпти. Бунинг ўрнига клуб ўз мураббийини қўллаб-қувватлаш ва унга яқинлашиб келаётган трансфер ойнасида янада улкан мақсадларга эриша оладиган таркибни тақдим этиш ниятида.

Таъкидланишича, "Ливерпуль" раҳбарияти Слот билан биргаликда кейинги бир неча йил учун ривожланиш стратегиясини ишлаб чиқмоқда. Мураббий таркибни шакллантиришда иштирок этади ва янги ўйинчиларни танлашда муҳим роль ўйнайди.

Нидерландиялик мутахассис "Ливерпул"ни 2024 йилда қабул қилиб олди. Жамоа ўзининг дебют мавсумида муваффақиятга эришди ва 2019/2020 йилги мавсумдан бери биринчи марта Англия Премьер-лигасида ғолиб чиқди. "Қизиллар" жорий чемпионатда 31 турдан сўнг турнир жадвалида 5-ўринни эгаллаб турибди.