11 окт 08:14
Янгиликлар
Бокс/ММА
Ломаченко 4 йил бирга ишлаган мураббийи билан ҳамкорликни тўхтатди
Профессионал бокснинг енгил вазн тоифасида WBA йўналиши чемпиони Василий Ломаченко мураббийларининг бири билан хайрлашди.
Аниқроғи, украиналик жаҳон чемпиони жисмоний тайёргарлик бўйича мураббийи Сисилио Флорес билан ҳамкорликнинг тўхтатди. Улар тўрт йилдан бери биргаликда ишлаб келишаётганди.
“Мен Василий ҳамда унинг отаси Анатолий Ломаченкога миннатдорчилик билдираман. Биз ажойиб тўрт йилни ўтказдик. Биргаликда жаҳон чемпиони бўлдик, чемпионлик камарини бир неча бор ҳимоя қилдик. Энди профессионал спортда шундай ҳолатлар бўлиб туради. Ҳеч нарса абадий эмас. Василийга кейинги фаолиятида ҳам омад тилайман”, - деди Флорес ўзининг Instagram саҳифасида.
Эслатиб ўтамиз, Василий Ломаченко 8 декабрь куни АҚШнинг Нью-Йорк шаҳрида бошқа йўналиш чемпиони Хосе Педрасага қарши бирлаштирувчи чемпионлик жангида рингга кўтарилади.
Ҳавола :
Фикрлар