09 дек 14:23
Янгиликлар

Бокс/ММА

Ломаченко vs Педраса. Боксчиларнинг кафолатланган гонорарлари маълум

Бугун АҚШнинг Нью-Йорк шаҳридаги “Мэдисон Сквер Гарден” аренасида узоқ кутилган профессионал бокс кечаси бўлиб ўтди.

Унда енгил вазн тоифасида WBA чемпион Василий Ломаченко ҳамда шу вазнда WBO чемпиони Хосе Педраса ўзаро тўқнаш келишди. Бирлаштирувчи чемпионлик жангида Ломаченко 119:107, 117:109, 117:109 очколар ҳисобига кўра ғалаба қозонди.

Нью-Йорк штати Атлетик қўмитаси боксчилар учун кафолатланган расмий гонорар суммасини ошкор қилди. WBA Super ва WBO чемпионлик камарлари соҳиби Василий Ломаченко 1 миллион, эндиликда собиқ жаҳон чемпиони, пуэрторикалик Хосе Педраса эса 350 000 долларлик чекни қўлга киритди.

Бундан ташқари, боксчилар трансляциядан тушадиган маблағдан ҳам улуш олишади. ESPN телеканали берган хабарга кўра, Ломаченко тахминан 2 миллион, Педраса эса 1 миллион доллар атрофида гонорарга эга бўлади.